माझ्या मनातलं ......... 

                                         सांस्कृतिक दृष्टीने आपलं  नवीन वर्ष हे कोणत्याही महिन्यात / तिथीने सुरु हॊत असलं  तरीही आपल्या सगळ्यांच्याच  व्यावहारिक आयुष्यात तारखेला खूप महत्व आहे. आपल्या प्रत्येकाच्याच आयुष्यात जन्माच्या दाखल्यापासून सुरु झालेला हा तारखांचा प्रवास आपल्या मृत्यूच्या दाखल्यापर्यंत अविरतपणे सुरूच असतो. आयुष्यातल्या प्रत्येक टप्प्यात काही विशिष्ट तारखा आणि काही  महिने ह्या खूप महत्वाच्या असतात आणि  त्याच्या अश्या बऱ्याच आठवणीही असतात .                       एक सहजच उदाहरण द्यायचं  झालंच  तर आपला / आपल्या जवळच्या माणसांचा पहिला  वाढदिवस,  जून महिन्यात असलेला पहिला शाळेतला दिवस, मार्च/ एप्रिल मध्ये असणाऱ्या शालांत  ( वार्षिक) परीक्षा, १० , १२ वीच्या असणाऱ्या फेब्रुवारी /मार्च महिन्यात असणाऱ्या परीक्षा,नॊकरीचा पहिला दिवस,  कोणतीही नव...